Inaprobaranen ti National Food Authority (NFA) ti pannakailako ti “aging buffer stock” ti bagas a nasayaat paylaeng ti kasasaadna iti aggatad laeng ti P29 tunggal kilo.
Maawagan ti programa kas “Bigas 29”, nu sadinno mairuar daytoy inton Hulio tapno maipaay ti bagas kadagiti vulnerable sector.
Impasigurado ni Department of Agriculture spokesperson Arnel de Mesa a nasayaat ti kalidad ti maipaay ken mailako a bagas.
Nupay kasta, limitado laeng kadagiti benepisiaryo ti conditional cash transfer program ti gobierno, persons with disabilities, senior citizens ken solo parents.
Karaman kadagiti agnumar manipod iti nalaka a bagas ket dagiti senior citizens.
Iti kari a mangrugi iti nalaka a bagas a mangrugi inton sumaruno a bulan, kuna ti report a mangiruar ti nasao nga ahensia kadagiti pagannurotan tapno malapdan ti “hoarding” wenno panagurnong.
Kabayatanna, ti “Bigas 29” program ket makaipaay ti 10 a kilo a bagas tunggal balay.
