--Ads--
BAGUIO CITY – Pinarot ken inuram dagiti otoridad ti P3.2-M a gatad ti marijuana babaen iti nagtipon a pwersa dagiti anti-narcotics operatives ti Philippine National Police ken PDEA Cordillera iti marijuana eradication nga naipatungpal sadiay Barangay Belong Manubal, Tinglayan, Kalinga.
Nadiskobre dagiti otoridad ti 16,000 a fully grown marijuana plants iti maysa a plantation site nga addaan kalawa a 12, 000 sqm.
Nupay kasta, awan ti nakemmeg dagiti otoridad a marijuana cultivator kabayatan iti operasyon.
Naisayangkat ti operasyon babaen iti OPLAN CHARUS nga indauluan ni Provincial Director PCOL Davy Vicente Limmong.
Ti balligi nga operasyon ket paset paylaeng ti napairtengan a kampanya ti PNP kontra iti iligal a droga.
