Impakaammo ti Department of Social Welfare and Development (DSWD) a nakasaganan ti P3 billion nga standby funds ken naka-prepositioned dagiti relief goods para kadagiti possible a maapektaran iti kalamidad ita a tawen.
Sigun kenni Department of Social Welfare and Development (DSWD) spokesperson Irene Dumlao, maaramat daytoy iti kanito nga agkiddaw dagiti local government units (LGUs) a naapektaran iti kalamidad.
Naka-prepositioned metten dagiti agarup 3 million a family food packs kadagiti DSWD warehouses, local government units (LGUs) ken kadagiti private organizations’ warehouses.
Immunan metlaeng nga impakaammo ti Office of Civil Defense nga agarup 3700 a pamilya manipud Ilocos Region (Region I), Cordillera Administrative Region (CAR), ken Cagayan Valley (Region II) ti naapektaran iti bagyo a Bising.
Gapu iti dayta, nangipaay ti Department of Social Welfare and Development (DSWD) iti tulong kadagiti residente a naapektaran partikular sadiay Itogon, Benguet ken sadiay Ilocos Sur.
