SAGUBO, KAPANGAN – Kinumpiskar ti Anti-narcotic operatives ti 40 kilograms a tubular packages ti dried marijuana sadiay Brg. Sagubo, Kapangan, Benguet idi February 14, 2026.
Nadiskobre daytoy kabayatan ti pannakaipatungpal ti buy-bust operation.
Maibasar iti datos, addaan daytoy iti agatad nga agarup P4.8 Million.
Sigun kadagiti otoridad, nakalibas dagiti dua a suspek kabayatan ti operasyon idi nadlawda a kameng dagiti otoridad ti katransaksyon dagitoy.
Kinamat dagiti otoridad ti dua a suspek ngem saanda a nagballigi.
Iti agdama, agtultuloy ti panagsapol ti Philippine Drug Enforcement Agency-Cordillera Regional Special Enforcement Team (PDEA-CAR RSET), PDEA Baguio City/Benguet Provincial Office ken Kapangan Municipal Police Station kadagiti at large a suspek.
Iti kanito a maarestar dagiti suspek, mapilaan dagitoy iti kaso a panaglabsing iti Section 5, Article II of Republic Act 9165, wenno “Comprehensive Dangerous Drugs Act of 2002″.
