--Ads--
Nakemmeg ti maysa a South African national iti Ninoy Aquino International Airport (NAIA) Terminal 3 gapu iti mapapati a panagawitna iti P42.16 million a gatad ti shabu idi Sabado, October 12, 2024.
Nasarakan iti bagahe ti suspek ti 6.2 a kilo ti shabu iti transparent plastic pouch.
Nakemmeg ti suspek a ni Phillip Theunissen, 31-anyos bayat ti interdiction operation iti Ninoy Aquino International Airport segun kenni Philippine Drug Enforcement Agency (PDEA) spokesman Derrick Carreon.
Iti agdama, addan iti pagbaludan ti suspek ken sumangsango iti kaso nga importing illegal drugs babaen ti Republic Act 9165 wenno Comprehensive Dangerous Drugs Law.
