--Ads--
BAGUIO CITY – Pinarot ken inuram dagiti miyembro ti Kibungan Municipal Police Station ti 250 a pinuon ti marijuana sadiay Legleg, Palina, Kibungan, Benguet idi kalman.
Nadiskobre dagiti otoridad dagiti nasao a pinuon ti marijuana plants a naimula iti lote nga aglawa iti 50 sqm ken aggatad iti P50,000.
Resulta daytoy iti implementasyon ti Oplan Weed Wrecker dagiti pulis nga indauluan ni Pol. Col. Lyndon Mencio iti panakitinnulong ti militar a nakabase iti Benguet.
Agtultuloy met ti panagsawar ti operating troops iti nasao a lugar para iti panakaduktal no adda pay dagiti dadduma a pagmulaan ti marijuana.
