BAGUIO CITY – Dumanon iti P6.12-M a gatad dagiti pinuon ti marijuana ti nadiskobre ken dinadael dagiti otoridad iti insayangkatda nga eradication operation sadiay Kibungan, Benguet kagiddan ti obserbasyon ti Maundy Thursday, April 1.
Maibasar iti report ti pulisya, maysa a maseknan nga umili ti nangi-uman kadakuada seknan iti pagmulaan ti marijuana iti maysa communal land sadiay Kilong, Poblacion, Kibungan.
Iti panagbiripikar dagiti otoridad, nadiskobreda ti nasao a pagmulaan nga addaan kalawa a 120 metro kwadrado ken sadiay a pinarut ken inuramda ti 600 a pinuon ti marijuana nga aggatad ti P120,000.
Nadiskobre pay dagiti otoridad ti 50 a kilo ti naapiten a pinuon ti marijuana nga aggatad ti P6-M iti kapada a disso.
Nupay kasta, awan ti natiliw a marijuana cultivator.
