Nangilatang ti Department of Social Welfare and Development (DSWD) iti P6.256 billion para iti Sustainable Livelihood Program (SLP).
Manamnama a makatulong daytoy iti 273, 535 a vulnerable and marginalized families a mangrugi iti livelihood projects dagitoy.
Inlawlawag ni SLP Director Edmon Monteverde, officer-in-charge ti Office of the Assistant Secretary for Promotive Programs a mabalin a makaawat iti Sustainable Livelihood Program (SLP) dagiti saan a karaman iti 4Ps.
Nupay kasta, inyunay-unay daytoy a kasapulan a karamanda iti marginalized, vulnerable ken disadvantaged sectors nga agkasapulan iti livelihood assistance.
Maipalagip a ti DSWD’s livelihood program ket addaan iti dua a track, partikular ti micro-enterprise development ken employment assistance.
Iti sidong ti micro enterprise development track, masanay dagiti benepisiario a mangimanihar iti negosio ken capital assistance maibasar iti naisingsing a negosio.
