--Ads--
Naituding a pirmaan ni President Ferdinand Marcos Jr. ti P6.352 trillion a national budget plan para iti sumaruno a tawen inton Disyembre baente iti agdama a tawen.
Daytoy ket sigun kenni Presidential Communications Office Acting Secretary Cesar Chavez.
Nupay kasta, mabalin nga agbaliw daytoy gapu ta tentative ti nasao nga aldaw.
Immuna nga inaprobaran ti bicameral conference committee ti pinal a bersyon ti 2025 General Appropriations Bill (GAB) a naglaon iti national budget plan para iti fiscal year 2025.
Iti sabali a bangir, kinuna met ni Presidential Legislative Liaison Office Secretary Mark Leandro Mendoza a pirmaan ni Marcos Jr. ti national budget sakbay ti paskua.
