--Ads--
Dumanonen iti P717.4 Milyon a gatad ti humanitarian assistance ti naipaay kadagiti pamilya a naapektaran iti naglabas a Bagyong Luis ken Maymay pakairamanan ti habagat sigun iti Department of Social Welfare and Development (DSWD).
Karaman kadagiti naipaay ket agarup 1.05 milyon a family food packs, 17,291 ready-to-eat food ken 12,740 a non-food items.
Nangipaay metlaeng ti DSWD iti P2.2 milyon a financial assistance iti sidung ti AICS.
Sigun kenni DSWD Secretary Rex Gatchalian, agtultuloy latta ti relief operation gapu ta agtultuloy latta a mapaspasaran ti epekto ti habagat iti pagilian. //𝓴𝓬𝓼//
