BAGUIO CITY – Nangilatang ti Department of Health (DOH) – Cordillera iti P8.4-M a pondo para iti COVID-19 vaccination program iti rehiyon Cordillera.
Maiwaras ti sag-P1.2-M iti amin a probinsia ti Cordillera, pakairamanan ti Baguio City ken maaramat para iti mobilization, advocacy, training expenses, supplies and materials, professional services, environment and sanitary services, travel expenses, drugs and medicine expenses ken transportation and delivery.
Nupay kasta, nasken nga isumitir dagiti nasao a lokal a gobyerno ti program proposal dagitoy iti vaccination program sakbay a maipama kadakuada ti nasao a tulong pinansiyal.
Maipalagip a nangrugi ti panagbakuna kontra iti COVID-19 idi March 5 ditoy rehion Cordillera babaen kadagiti naiwaras a SINOVAC vaccines.
Maibasar iti datus idi April 5, dumanonen iti 24,568 nga indibidual ditoy Cordillera ti nakaawat iti bakuna kontra iti COVID-19.
