--Ads--
BAKUN, BENGUET – Nadiskobre ti P80,000 a gatadna a fully grown marijuana plants idiay Amdodo, Kayapa, Bakun, Benguet itay nabiit.
Daytoy ket babaen iti operasyon ti nagtipon a pwersa ti Bakun Municipal Police Station, Police Intelligence Unit, Police Provincial Office (PPO) ken Philippine Drug Enforcement Agency (PDEA)-Cordillera.
Naimula ti agarup uppat a gasut a puon ti marijuana iti maysa a plantasyon iti communal forest iti nasao a lugar.
Dagus met a pinarut ken inuram daytoy dagiti otoridad.
Awan met ti natiliw nga indibidual nga akinmula kadagitoy.
