Inlawlawag ni Christian Andrew Rillota, Regional Communications Officer for Social Security System a rumbeng a maipaay iti ligal nga asawa ti benepisio ti pimmusay a miembro iti Social Security System (SSS).
Inyunay-unay ni Rillota a mabalin a maipaay iti maika-dua nga asawa dagiti benepisio la kitdi adda ti ligal a dokumento a mangipakpakita a nagsina dagitoy iti immuna nga asawana.
Innayon ti nasao nga opisial a mabalin a maipan iti anak dagiti benepisio, ngem no awan ti anak maipaay daytoy kadagiti parents ti pimmusay a benepisiario.
Ngem no awan ti dagannak daytoy, maikeddeng a maited kadagiti beneficiary ti miembro nga insuratna idi nagaplikar nga agmiembro daytoy iti SSS.
Iti kanito nga awan amin dagiti mabalin nga umawat iti benepisio, makiddaw ti tulong ti korte no siasino ti umawat iti benepisio.
Kabayatanna, kaaduan a panaglabsing dagiti employer iti pagalagadan ti SSS ti non-remittance, non-production of records, non-registration ken non-reporting.
Impetteng ni Rillota a maipaayan iti show couse order dagiti employer iti kanito a nilabsingda dagiti nasao a violations.
Kalpasan ti 15 days a saanda a panagpakita, maipaayanda manen iti show cause order ken maipilaanda iti kaso no saanda daytoy nga ikankano.//mp4
