Kinumpermar ni Justice Secretary Jesus Crispin Remulla ita nga aldaw, a kiniddaw dagiti otoridad sadiay Indonesia ti prisoner swap kasukat ti panaka-deport ni sigud a Bamban, Tarlac Mayor Alice Guo iti pagilian.
Kasukat ni Guo, kiniddaw ti pagilian nga Indonesia ti kustodia ti Australian national a ni Gregor Johann Haas a wanted iti nasao a pagilian.
Nakemmeg ni Haas idiay Cebu gapu iti kaso a drug smuggling idi Mayo iti agdama tawen.
Sigun kenni Remulla, ad-adalenda iti agdama dagiti
dadduma nga isyu iti nagbaetan ti pagilian ken ti Indonesia a kasapulan a marisut.
Iti agdama, saan pay a kinumpermar ti nasao nga opisial no umanamong ti gobierno ti pagilian iti kiddaw ti Indonesia.
Maipalagip a nakemmeg ni Alice Guo sadiay Tangerang City, Jakarta, Indonesia ita nga aldaw ken addan iti sidong ti kustodia dagiti polis ti Indonesia.
