Isardeng ti Iran ti panangrautna iti kanito a sumardeng met ti panangriribok ti Estados Unidos iti nasao a pagilian sigun iti maysa nga Iranian Official.
Kasaruno daytoy iti damag ti panangibaga dagiti advisers kenni US President Donald Trump iti kumapkapoy nga US arsenal.
Maipalagip a kalpasan iti agarup 13 nga aldaw a panangraut iti Estados Unidos iti Iran, sinuspindir ti Pentagon, military group ti Estados Unidos ti panagatakeda iti Iran no sadino awan ti nairekord a panagbinnales iti nagbaetan ti dua a pagilian iti napalabas a dua nga aldaw.
Sigun iti Iranian official, kinunana a ti takder ita ti Tehran ket apaman a sumardeng ti Estados Unidos iti panangrautda kadakuada, sumardeng met ti Iran iti operasyonda.
Innayonna a naipatulod metten daytoy a mensahe kenni US President Donald Trump. //bombokaren.c.sapirao