Inlawlawag ni Engr. Bonifacio Dela Peña-City Administrator iti siudad ti Baguio ti pagsayaatan ti mapangpanggep a Baguio smart urban mobility.
Iti pannakiuman ti Bombo Radyo kenkuana, kinunana a panggep daytoy a proyekto a mangsolusyon iti nainget a gunay ti trapiko iti siudad ti Baguio ken mangpasayaat pay iti public transportation.
Sigun kenkuana no maaprobaran daytoy ket adda ti naituding a maysa a lugar a pagparadaan dagiti public transportation no sadino adda dagiti schedule nga oras nga agbhaye dagitoy.
Kinunana pay a kasapulan metlaeng nga ammuen dagiti pasahero ti oras ti panagrubuat dagiti pagluganan dagitoy nga agawid ken paturong iti siudad.
Maipawil metlaeng ti agpara iti lugan iti saan a naidesignar a pagluganan rason a kasapulan nga agturong iti naituding a paradaan.
Nupay kasta, maur-uray paylaeng a maaprobaran daytoy iti City Development Office.
Gapu iti dayta, ti laeng solusyon iti nainget a gunay ti trapiko iti siudad ita a gundaway ket ti manual babaen iti panagpatrolya dagiti pulis.
