--Ads--
Nailukaten ti Gotong Bailey Bridge iti deppaar ti Halsema Highway wenno ti Baguio-Bontoc Road partikular sadiay Busa, Sabangan, Mountain Province.
Maipalagip a nadadael ti Busa Section ti Halsema Highway iti panagdalapos ti bagyo nga Ompong idi October 2018.
Bayat a maur-uray ti pondo para iti panakaisubli ti naputed a kalsada, nagaramid ti DPWH iti bailey bridge nga agserbi a temporaryo a rangtay para kadagiti motorista a dumalyasat iti nasao a paset ti Halsema Highway.
Nailukat ti Gotong Bailey Bridge kadagiti nalalag-an a luglugan.
Nupay kasta, mabalin latta a magna dagiti motorista iti Mabaay-Abatan-Nacagang Provincial Road a sumrek ken rumuar iti probinsia.
