Impeksa ti pagilian a Pilipinas ti nainget a protestana gapu iti inaramid ti China Coast Guard kontra kadagiti kameng ti Filipino Navy iti Ayungin Shoal.
Daytoy ket kabayatan ti bilateral meeting da Foreign Affairs Secretary Ma. Theresa Lazaro ken China Foreign Minister Wang Yi.
Sigun iti Department of Foreign Affairs, impaganetget ni Secretary Lazaro ti nainget a panagprotesta ti Pilipinas gapu iti naranggas nga aramid dagiti kameng ti China Coast Guard kontra kadagiti kameng ti navy a Filipino idi Hulio 20, 2026.
Iti nasao nga insidente, pinang-oran dagiti kameng ti CCG dagiti Pilipino babaen kadagiti batota a nangitunda iti pannakadangran ti ulo ti maysa a Navy ti Pilipinas.
Iti baet ti nasao nga insidente, inakusaran ti China ti Pilipinas ken pinaglibakanda a dagitoy ti immuna a nangkabil.
Kabayatanna, impeksa ni Lazaro ti nabayag a kiddaw ti pagilian a maikkat dagiti nabatbati nga estaktura ti China iti Bajo de Masinloc.
