Nangibales iti panagatake ti Pakistan iti air bases ti India kasaruno ti mapapati a panangipatayabda kadagiti missiles manipod iti tallo nga air bases dagitoy.
Sigun iti Pakistan Army, natamaanda ti adu a puntiriada idiay India ken iti India administered a Kashmir.
Sumagmamano kadagiti Indian military targets a napuntiriada ket ti Brigade Headquarters KG Top, Field supply depot Uri, Artillery Gun Position Derangyari, BrahMos battery site Nagrota, Udhampur airfield, Pathankot airfield ken Suratgarh airfield.
Kaaduan kadagiti nasao a lokasion ket asideg wenno adda iti de facto border a manggudgudua iti Kashmir region iti nagbaetan ti New Delhi ken Islamabad.
Karaman kadagiti airfield nga adda iti uneg ti undisputed borders ti India ket ti Pathankot idiay Punjab state, ken Suratgarh idiay Rajasthan state.
Sigun iti Pakistan military, nangisayangkatda ti “eye for an eye” retaliation target iti Indian air bases a mapapati a naaramat iti panangisayangkatda iti missiles kontra iti Pakistan.
Iti agdama, awan pay ti komento ti benneg ti Ministry of Defense ti India ken Air Force seknan iti ibagbaga ti Pakistan.
