Pimmusay ti agarup 14 a kapaspasngay a maladaga idiay Pakistan kalpasan a napuoran ti Pakistan Institute of Medical Sciences (PIMS) idiay Islamabad, Pakistan.
Sigun iti imbestigasyon dagiti otoridad, nangrugi ti uram manipud iti maysa nga conditioning unit ken dagos daytoy a nagramaram iti uneg gapu iti nakakabit nga oxygen.
Adda ti 15 a kapaspasngay a maladaga iti uneg ti ward idi napasamak ti uram ngem maysa laeng kadagitoy ti naispal.
Dumaldalan metten iti DNA testing ti bangkay dagiti maladaga sakbay a maiturnover dagitoy kadagiti parentes da.
Inyebkas met ni Pakistani President Asif Ali Zardari a rumbeng nga ada ti sumango kas responsable iti nasao a pasamak ken mapilaan ti kaso dagiti opisyal ti pagagasan gapu iti panangbay-bay-a.
Mannarimaan metten ti kanayunan nga imbestigasyon dagiti otoridad seknan iti napasamak.
