Inakusaran ni US President Donald Trump ti Iran iti “total violation” ti ceasefire agreement kalpasan a maaatap nga immatake dagitoy kadagiti barko asideg iti Strait of Hormuz.
“Iran decided to fire bullets yesterday… A total violation of our ceasefire agreement,” sigun iti pablaak ni Trump.
Iti Tuth Social daytoy, nagpangta manen daytoy a dadaelenna dagiti napappateg nga imprastraktiura idiay Iran no saan nga awaten ti Iran ti idiaydiaya ti Washington a katulagan.
“We’re offering a very fair and reasonable deal… “, sigun iti nasao a presidente ngem nu saan nga awaten ti Iran, nagpangta daytoy a dadaelenna amin a power plant ket rangtay ti Iran.
“No more Mr. Nice Guy” , innayon daytoy.
Sigun kenni Trump, naituding a sumangpet idiay Pakistan dagiti mangibagi iti Estados Unidos para iti maysa a negosasyon kadua ti Iran, iti tenga ti kumarkaro a tensyon.
Iti agdama, awan pay laeng ti nalawag a waragawag nu manglukat manen ti Strait of Hormuz para kadagiti barko nga agdaldalyasat idiay. //bombokaren.c.s
