Kinumpirmar ni Russian President Vladimir Putin a napagsaritaanda kenni Chinese President Xi Jinping ti maipapan iti moderno a pamay-an tapno mapaatiddog ti biag ti maysa nga indibidwal.
Iti panagsarita dagiti dua a lider, nangngegan a napagtalantananda dagiti organ transplants a makapagpaubing iti maysa a tao, ken posible a mangpabalin iti kina-immortal.
Sigun kenni Putin, babaen iti daytoy ket mabaelan ti tao a maaddaan iti aktibo a panagbiag iti masakbayan a duma nu idilig iti agdama.
Maipalagip a da Putin, Xi ken ti North Korean Leader a ni Kim Jong Un ket nagdadapon kabayatan ti naangay a massive military parade idiay China idi laeng Mierkules.
Ti nasao a tignay ket binabalaw ni United States President Donald Trump nu sadino, inakusaranna dagitoy a mangar-aramid iti conspiracy kontra iti Estados Unidos.
