Konkontraen ti pamilia ti pimmusay a sigud a senador a ni Benigno “Ninoy” Aquino Jr. ti aniaman a pangta ti kinaranggas wenno pammapatay.
Iti statement, patien ti pamilia Aquino a ni Ninoy ti pulitiko a nakapasar iti nakaro a panangpuersa manipod iti pamilia Marcos.
Kinuna pay ti pamilia Aquino a maikarida a sungbatan ken dagiti rinibribo a dadduma pay a nakemmeg, tinortyur ken napapatay bayat ti panagturay ni daydi diktador President Ferdinand Marcos Sr.
Kidkiddawen pay ti nasao a pimilia iti publiko nga agkararag para iti Pilipinas.
Ti palawag ni pamilia Aquino ket maysa nga aldaw kalpasan nga inakusaran ni Vice President Sara Duterte ti pamilia ni President Ferdinand Marcos Jr., a “mastermind” iti pannakapapatay ni Aquino idi 1983.
Sinungbatan ni Vice President Duterte idi nadawat kenkuana ti komento seknan ti kinunana ni Marcos a lapdanna dagiti “criminal attempts” iti biagna.
Kabayatanna, marambakan ti maika-72 a tawen ni daydi sigud a Senador Benigno Aquino ita nga aldaw, Nobiembre baente siete
