Panag-imet iti fire extinguisher, maikalkalikagum ita kadagiti hikers a sumangsang-at iti Mt. Pulag

BAGUIO CITY – Nanayonan ti pagalagadan iti panagsang-at dagiti hikers ken trekkers a sumangsang-at iti Mt. Pulag.

Sigun kenni DENR-Cordillera regional director Ralph Pablo, kasapulan ita nga adda ti iggem dagiti hikers a fire extinguigher iti kanito a sumang-atda iti Mt. Pulag ken agtalinaedda sadiay iti dua agingga tallo nga aldaw.

Partikular a kasapulan a mangitugot iti nasao a banag ket dagiti hikers nga agaramat iti portable gas stove.

Kinunana a batang ti Parks Management Office a mangkita no adda ti imet dagiti hikers a fire extinguisher sakbay dagitoy a mapalubosan a sumrek iti bantay.

Sigun kenkuana, nabukel ti nasao a pagalagadan tapnu maliklikan manen ti panakauram ti bantay a kas iti napasamak idi napalabas a bulan ti Enero.