BAGUIO CITY- Nagpalagip ti Baguio Flower Festival Foundation, Inc. (BFFFI) a nainget a maiparit ti panagaramat iti remotely piloted aircraft system (RPAS) wenno drones kabayatan ti Panagbenga Grand Street Dance ken Grand Floral Float Parade intun February 28 ken March 1, 2026.
Sigun iti BFFFI, napalubusan laeng ti Baguio City Police Office (BCPO), Philippine Military Academy (PMA), City Disaster Risk Reduction and Management Office (CDRRMO) ken Baguio Flower Festival Foundation Inc. (BFFFI) nga agaramat iti drone babaen iti accredited drone operators dagitoy.
Ti nasao a pammilin ket kas panangtumpal iti sapasap a pagannurotan ti Civil Aviation Authority of the Philippines (CAAP).
Nakalanad iti pagannurutan ti CAAP a maiparit ti pannagaramat iti drone iti natao a lugar ken public events.
