Inwaragawag ti Land Transportation Office (LTO) a maiparit mangrugi intun Setiembre 1 ti panagaramat iti improvised wenno replica license plates a saan nga otorisado.
Sigun kenni LTO Chief Markus Lacanilao, karaman kadagiti punterya ti operasyon dagiti lugan manipud kadagiti sumagmamano a car dealers nga agar-aramat laeng iti improvised plates.
Inlawlawag ni Lacanilao a kasapulan nga adda ti maipakita nga authorization manipud iti LTO dagiti inkapilitan nga agaramat iti improvised tapno saanda a maarestar.
Kabayatanna, nagkiddaw ti LTO iti tulong ti Philippine National Police (PNP) tapno mabigbig dagiti adda iti likudan ti iligal a pannakaaramid kadagiti improvised license plate.
Dagiti maarestar gapu iti panagaramat iti improvised license plate ket agmulta iti P5,000 ken ma-impound ti lugan dagitoy.
