Inwaragawag ti National Disaster Risk Reduction and Management Council (NDRRM) a dumanon iti 7.4 a million nga indibidual wenno 2.1 a pamilya ti apektado iti Southwest Monsoon, bagyo a Luis ken Maymay.
Kangrunaan nga apektado dagiti sumagmamano a pamilya iti region I,II, III, V, VI, IX, CALABARZON, Cordillera, National Capital Region ken MIMAROPA.
Iti kaudian a datos, dumanon iti 29 nga indibidual dagiti pimmusay, 19 dagiti nadangran bayat a tallo ti mapukpukaw.
Iti bilang dagiti pimmusay, 15 iti probinsiya ti Benguet ken siudad ti Baguio; uppat sadiay Rizal ken Batangas; dua sadiay Caloocan; maysa sadiay La Union, Quezon, Oriental Mindoro ken Negros Occidental.
Kabayatanna, dumanon iti 40,600 nga indibidual wenno 11,900 a pamilya ti agtaltalinaed paylaeng kadagiti evacuation centers.
Mainaig iti dayta, 2,057 a babbalay ti partially damage bayat a 269 ti totally damaged.
Dumanon iti agarup P4.7 billion ti nadadael iti sektor ti imprastraktura bayat a P1.7 billion iti sektor ti agrikultura.
Impeksa ti NDRRMC a naiwarasen ti P1.1 Billion a gatad ti tulong para kadagiti apektado a komunidad iti pagilian.
