BAGUIO CITY–Maisayangkat inton Marso 22 ti panagpabakuna kadagiti healthworkers iti pribado a klinika ken diagnostic centers ditoy siudad ti Baguio.
Sigun kenni City Health Services Officer Dr. Rowena Galpo, mairaman kadagiti agnumar iti bakuna dagiti miembro ti Barangay Health Workers (BHERTs).
Kinunana a naituding met a mailepas ti panagbakuna dagiti health workers iti isolation units intun umay a Biernes, Marso 19.
Maipalagip a panggep ti lokal a gobierno a mabakunaan dagiti amin nga health care workers ti siudad agingga nga agleppas ti agdama a bulan.
Maibasar iti datos ti CHSO, dumanonen iti pakabuklan a 3,808 wenno katukad ti 56% ti nabakunaan nga health workers manipod iti 2,670 a nabakunaan iti Sinovac vaccine ken 1,138 iti AztraZeneca vaccine.
Kabayatanna, imbinglay ti opisyal dagiti napasaran nga adverse effects dagiti nabakunaan kas iti panagsakit ti ulo, panaggurigor, panagsakit ti bagi ken dadduma pay.
Kabayatanna, naituding a maisaruno a mabakunaan dagiti senior citizen wenno natataengan iti kanito a maileppas amin dagiti health care workers.
Naamuan a manarimaan ti panagparehistro ken masterlisting kadagiti natataengan ditoy siudad a tarigagayna nga agpabakuna nu sadinno dumanonen iti 12,000 a senior citizen ti balligi a nakarehistro iti agdama.
