Naituding a mangrugi ti panagdalus iti Baguio City Public Cemetry inton October 16, 2024 agingga inton October 30,2024 kas panagsagana iti umadanin nga All Souls Day ken Alls Saints Day iti siudad.
Gapu iti daytoy, maiyunay-unay iti publiko a sapsapaen dagitoy nga agdalus kadagiti pantion dagiti ay-ayatenda iti biag tapno maliklikan ti overcrowded iti uneg ti nasao a sementeryo.
Malaksid iti dayta, mabalballaagan pay dagiti addaan iti lugan iti kanito nga agturong dagitoy iti sementeryo a saanda nga agparking iti uneg ti nasao a sementeryo tapno maliklikan ti nailet a gunay ti trapiko.
Kabayatanna, agsagsagan metten ti Baguio City Police Office para iti panangimanehar iti traffic congestion iti kanito a madanun ti pananglagip iti All Souls Day ken Alls Saints Day.
