Impakaamo ti International Criminal Court (ICC) a rumbeng a maiparang ti “prosecution” ti kapigsaan nga ebidensia a mangsuporta iti kaso kontra kenni sigud a President Rodrigo Duterte gapu iti programa ti administrasionna a “drug war” a nangitunda iti mapapati nga “extrajudicial killings.”
Sigun iti pannakangiwat ti International Criminal Court a ni Fadi El Abdallah, agbayag laeng iti agingga tallo nga aldaw ti pannakadengngeg ti “confirmation of charges” kontra kenni Duterte gapu iti mapapati a pammapatay kas “crime against humanity.”
Agpada a mabalin nga idatag ti “prosecution” ken “defense” dagiti saksi ken mabalinda ti agpa-cross-examination.
Posible a makasango ni sigud a President Duterte dagiti saksi kabayatan ti panagdenggeg a naituding inton Setiembre 23, 2025.
Bayat ti pannakadengngeg ti kaso, dagiti hues ti pre-trial chamber ti mangikeddeng no madismisar ti kaso wenno maiturong daytoy iti “trial.”
Nupay kasta, mabalin nga agbayag iti innem a pulo nga aldaw sakbay a mangipaulog ti desision ti korte nu maituloy ti kaso ni Duterte wenno saan.
