BAGUIO CITY–Umaw-awat ita iti nagduduma a reaksiyon iti sociaL media ti panagkiddaw iti dispensar ti Region II -Cagayan Valley School Division iti Batanes iti panakaimprintar ti biddut nga impormasyon seknan kadagiti igorot iti module dagiti estudyante.
Iti interview ti Bombo Radyo Baguio ken Department of Education (DEPED CAR) Regional Director Estela Cariño, nakaawatda iti written apology ken verbal apology ti nasao a school division
Kagiddan iti dayta, inlalwalwag ni Cariño a saanda a nakita ti social content daytoy gapu iti kinaado ti isaysayangkatda a quality assure kadagiti nadakamat a modules.
Kinunana a maysa a lugar laeng partikular iti Bambang Elementary school sadiay Nueva Viscaya iti nakaiwarasan ti limmapulo a kopya ti learning activity sheet nga inaramat ti maysa a seksion ti grade 5 elementary pupil.
Kagidddan iti daytoy, adu met ti nangdayaw iti social media ti panagkiddaw iti pammawan ti Dep-Ed batanes.
