Impasigurado ti Malacañang a saan a maapektaran ti integridad ti Independent Commission for Infrastructure (ICI) iti panaglusulos ni sigud a Public Works secretary Rogelio Singson.
Sigun kenni Palace Press Officer Claire Castro, agtuloy latta ti nasao a komision iti baet ti panagresign ni Singson.
Impettengna nga adu paylaeng dagiti makabael a tattao a nabati iti ICI, isu’t gapuna a saan a maapektaran.
Sigun pay kenni Castro, posible nga adda dagiti mangiwar-waras iti saan a nasayaat maipanggep iti ICI tapno maikkat ti talek ti publiko iti daytoy.
Gapu iti dayta, iyunay-unay ti Palace Press Officer a saan kuma a manayunan iti maris pulitika ti panaglusulos ni Singson.
Sigun kenkuana, immikkat ni Singson iti ICI gapu iti health reasons ken raraemenda daytoy.
