--Ads--
BAGUIO CITY- Impasigurado ni Engineer Khadaffy Tanggol, Regional Director ti Department of Public Works and Highways Cordillera a mabambantayan ken mamonmonitor dagiti drainage ken kanal iti siyudad ti Baguio ken iti rehiyon Cordillera sakbay ken bayat ti panawen ti panagtutudo.
Nupay kasta, inaklonna a nagbalin a parikut dagitoy ket maintenance iti napalpalabas a bulan iti agdama a tawen.
Kinunana a nagkurang ti budget a naipaay para iti Maintenance fund a maaramat para iti maintenance dagiti minor repairs, panagdalus ti drainage ken dadduma pay.
Iti baet dayta, imbilin ni President Ferdinand Marcos Jr., iti Department of Budget and Management a mangipaay dagitoy iti kanayunan a pondo kalpasan naimatanganna ti nasao a parikut.//Jez
