BAGUIO CITY – Napasayaat ti panag-negosio iti Baguio City kabayatan ti maudi nga weekend ti Marso gapu iti panagngato ti tourist arrivals iti siudad.
Inwaragawag daytoy ti mayor ti siudad kalpasan ti adu a bilang ti turista a simmangbay idi Marso 25 partikular idi partikular idi nakalukat pay ti Session Road in Bloom.
Sigun kenni City Tourism Operations Officer Alec Mapalo- 18,666 nga turista tti nagrehistro iti VISITA App idi Marso 25; 24,222 met idi Marso 26 ken 12,807 idi Marso 27 wenno pakabuklan nga 55,695 nga turista iti nadakamat nga weekend.
Saan met nga umadayu iti nadakamat a bilang ti aktwal a bilang ti simmangbay a turista iti siudad tunggal aldaw iti baet a agarup 10-K ti tourist arrivals ti siudad tunggal aldaw nu ordinaryo nga aldaw.
Nangrugi met a ngimmato ti tourist registration ken arrival iti umuna nga lawas ti Marso wenno apaman a naglukat ti Panagbenga Festival.
Naamoan a dimmanon pay iti nasurok 83-K ken nasurok 96,503 ti travel request a naawat ti siudad idi Marso 14 ken 20 nu sadinno 34,418 ken 45,521 dagiti simmangbay iti siudad.
Malaksid iti dayta, dumanon iti 66,746 nga travel request ti naawat ti siudad sakbay ti nadakamat a lawas ken 28,453 ti aktwal a simmangbay iti siudad. cd
Kagiddan iti dayta, agtalek ti siudad a gapu iti daytoy ket in-inoten a panagsubli ti normal a turismo ti siudad kagiddan ti sumaysayaat nga epekto ti tourist arrivals iti ekonomiya ken ti turismo.
Naiyunay-unay met ti panakaipangruna iti nasustinir a turismo iti sidong ti new normal kagiddan ti panakaipangruna ken maibalanse ti pagkasapulan dagiti residente, bisita ken sektor ti ekonomia.
Sigun iti mayor ti siudad, nangitunda ti nangato a tourist arrivals kabayatan ti pestibidad iti parikot ti trapiko malaksid pay kadagiti nagduduma a patrabaho ken pannakatarimaan dagiti kalsada iti siudad isunga naikkat dagiti dadduma a barikada tapnu sumayaat ti gunay ti trapiko.
Kinuna ti City Tourism Officer a 79% kadagiti turista ti nagaramat ti pribado wenno bukodda nga lugan a buklen ti mapatta-patta nga 8,800 a lugan.
Adu met dagiti nagsarabo iti panaglukat ti industriya ti panag-negosyo babaen ti pannakipasetda iti Panagbenga festival.
