BAGUIO CITY – Awan ti gastosen dagiti asymptomatic a pasyente iti COVID-19 a matamtaming kadagiti pasilidad nga iman-manehar ti lokal a gobierno ti Baguio City.
Sigun kenni City Health Officer Dr. Rowena Galpo, libre ti panaka-aywan ken panagnaed dagiti nasao a pasyente ken maipaay ti kangrunaan a serbisyo ken pagkasapulanda a kas iti ules, taraon ken danom.
Kinunana a libre met ti panagaramat dagiti pasyente iti wifi, silaw, water heater ken kuryente.
Nupay kasta, inlawlawagna dagiti pasyente ti mangamong nga aggastos kadagiti dadduma pay a pagkasapulanda a saan a karaman iti serbisyo nga ipapaay kadakuada ti lokal a gobyerno.
Maipalagip a tallo a pasilidad ti imatmatonan ti lokal a gobierno ti baguio a pakairamanan ti Sto. Niño Hospital, Roxas Hall ken Teachers Hall sadiay Teachers Camp.
Innayon ni Dr. Galpo a padapada ti panangtratoda kadagiti pasyente ken awan ti special treatment kadagiti asinuman a pasyente.
