Panakaimanihar a nasayaat iti oras ti sumagmamano a nagbalin a tulbek ni Froynalyn Datu manipud iti Atok, Benguet iti panagballigina iti 2024 Licensure Examination for Professional Teachers- Secondary Level.
Iti interview ti Bombo Radyo, kinuna ni Datu nga agtatrabaho daytoy iti maysa a pagagasan ken igidgiddanna ti panagreview para iti nasao nga eksaminasion.
Kinuna pay ni Datu a dandani nga agsardeng iti panagreview agsipudta, marigatan iti panagbiahe nangruna ta magapu iti trabahona sadiay Atok, Benguet.
Sigun kenni Datu, agturong iti La Trinidad sabado tapno agreview ken agsubli manen idiay Atok kalpasan daytoy.
Nupay kasta, nagbalin nga inspirasionna dagiti pamiliana tapno ituloyna ti nirugianna.
Kinuna ni Datu a maysa a mannalon ti amana ken maysa met a housewife ti ina na.
Gapu iti kinarigat ti biag, kinasapulanna a nagpartime Job tapno maipaay ti kasapulanna iti panaggadal.
Dakkel met ti panagyamanna iti sibubukel a pamiliana ken dagiti amin a timmulong kenkuana tapno magun-odna a panagballigi iti nasao nga eksaminasion.//mp4
