BAGUIO CITY – Agtultuloy ti nainget a panagsagana ti COMELEC -Benguet iti panakaipatalged ti naanayas nga national ken local elections iti probinsia karaman ti Baguio City.
Iti interview ti Bombo Raydo Baguio kenni Provincial Election Officer Atty Dexter Cawis, kinunana a nainget met a mabanbantayan ti grupo a binukel ti Comelec Benguet ken PNP dagiti 764 a Vote Counting Machines (VCMs) ken 15 nga Consolidated Canvassing System (CCS kits) a maaramat iti probinsia.
Immunan a simangpet ti VCMs ken CCS kits idi kalman a pakairaman ti 491 a maiwaras iti nagduduma a munisipyo ti Benguet ken 273 iti Baguio City.
Naituding met a sumangpet dagiti balota para intun Abril 28 bayat a mangrugin a maiwaras dagiti VCMs kadagiti munisipyo ti Benguet intun Mayo 3 agingga 4 ken Mayo 7 iti Baguio City.
Inlawlawag met ni Atty. Cawis a saan a parikot ti transportasyon dagiti nadakamat nga election paraphernalia gapu iti agtultuloy nga koordinasyonda kadagiti maskenan nga ahensia ken otoridad.
Kagiddan iti dayta, nakasagan metten dagiti mannursuro ken opisyal nga agserbi iti nagduduma nga voting precints ti Baguio City ken Benguet intun Mayo 9.
