Manamnama ti nainget a panagsagana ti Muaythai Association of the Philippines para iti sumaruno nga ay-ayam dagitoy.
Sigun paylaeng kenni Billy Alumno, Headcoach ti Philippine Muay Thai National Team, kinunana a ti sumaruno a laban dagitoy ket inton Setyembre sadiay Bangkok, Thailand para iti World Youth Championships para kadagiti agtawen iti 17-anyos agpababa bayat nga inton Nobyembre ket maangay ti Asian Indoor Games.
Sigun kenkuana, sakbay ti naituding a kompetisyon dagitoy ket agturong dagitoy sadiay Thailand para iti maysa a bulan a panag-ensayoda.
Kabayatanna, kinuna ni Alumno a silulukat ti Muay Thai Association para kadagiti baro nga atleta a mangpangpanggep a sumrek iti Muay Thai nu sadino nasken laeng a makipaset dagitoy kadagiti Regional Leg a maipatpatungpal iti Luzon, Visayas ken Mindanao nu sadino dagiti mangabak iti daytoy ket makilaban kadagiti national team.
Malaksid iti dayta, babaen iti maipatpatungpal a Batang Pinoy ket ditoy a mangkitkitada kadagiti addaan potensyal nga atleta a sumrek kadagiti combative sports.//Bombo Mera Pacpacan
