Manamnama ti panangrugi nga isasangbay dagiti adu a turista iti siyudad ti Baguio inton Huwebes Santo sigun kenni Jomar Rivera, ti Senior Tourism Operations Officer iti siyudad ti Baguio.
Iti panakiuman ti Bombo Radyo kenkuana, naibinglay daytoy ti posible nga isasangbay ti nasurok 150K a turista kas maibasar iti datos a naalada idi napalabas a tawen kadagiti standardized collection system kadagiti accredited hotel accomodations iti Summer Capital of the Philippines.
Mainaig iti dayta, kinunana a nupay adu ti sumangbay a turista iti siyudad nga agaramat kadagiti bukodda a lugan, imbalakad daytoy a no mabalbalin ket ibatida na laengen dagiti luganda kadagiti nag check-in anda a hotels ken ag-commuteda laengenen nu kayatda ti agpasyar iti nasao a siyudad ken mabalbalakadanda a mabalinda latta a magna gapu ta walkable city ti siyudad ti Baguio.
Tapno iti kasta ket saan pay a dagiti nasao a pampribado a lugan ti mangnayon iti nailet a gunay ti trapiko iti siyudad.
Innayonna pay kadagiti agpangpanggep nga agturong kadagiti simbaan ket nu mabalbalin ket magnada laengen.
