Agtultuloy latta ti panagsapul dagiti “rescuers” kadagiti indibidual a nakalasat iti narba a pasdek ti Sky Villa Condominium idiay Mandalay, sigun kadagiti opisial.
Manarimaan ti panagkali dagitoy kadagiti rebbek dagiti narba a pasdek.
Maibasar iti datos, dumanonen iti agarup 1,600 ti bilang dagiti pimmusay iti napigsa a gingined a nangdayyeg idiay Myanmar ken Thailand.
Ti gingined ket dinadaelna dagiti pasdek, rangtay, ken nangharang kadagiti kalsada a paset ti Myanmar ken Thailand nu sadinno, naimatangan a dakkel ti pannakadadael ti Mandalay, ti maikadua a kadakkelan a siudad iti pagilian ken pagtaengan ti nasurok a 1.7 milion a tattao.
Idiay Myanmar mismo, agarup 1,644 a tattao ti pimmusay ken nasurok a 3,400 ti nadangran, ken saan a kumurang a 139 ti mapukpukaw, sigun ti junta iti maysa a statement.
Idiay met Thailand, kanayunan a sangapulo nga indibidual ti nakumpirmar a pimmusay.
