Agtultuloy latta ti operasion a panagsapul ti Philippine Coast Guard kasaruno ti panagbaliktad ti MV Hong Hai 16 iti taaw ti Occidental Mindoro.
Iti maysa nga statement, kinuna ti nasao nga ahensia a gapu iti diving operations, narekoberda dagiti personal nga alikamen manipod iti rangtay ti barko ken iti maikadua a kadsaaran ti cabin ti barko.
Ti panagsapul kadagiti mapukpukaw a crew members ti barko ket agtultuloy.
Kinumpirmar metlaeng dagiti otoridad nga awan ti senyales ti oil spill iti aglawlaw ti barko wenno iti baybay.
Babaen ti pannakikoordinar ti pannakabagi manipod iti Department of Environment and Natural Resources idiay San Jose, nangisayangkat ti Philippine Coast Guard ti nagtinnulong nga environmental assessment.
Awan met ti seagrass beds wenno coral reefs a nasarakan dagiti otoridad a naapektaran iti nasao a lugar.
