BAGUIO CITY – Im-imbestigaran pay laeng ti pulisya ti napasamak a panagtakaw nga addaan pammutbuteng iti uneg ti maysa a pharmacy sadiay Km. 5, Betag, La Trinidad, Benguet idi kalman ti rabii.
Ti biktima ket 25-anyos, pharmacy assistant ken residente ti Shilan, La Trinidad bayat a ti suspek ket maysa a lalaki a saan pay a nabigbig.
Maibasar iti report, adda ti biktima iti uneg ti pharmacy idi killaat a limmagto iti kayo a ridaw iti abay ti glass display cabinet ti suspek.
Kalpasanna, dinamag ti suspek no sadino ti ayan ti kwarta bayat nga isensenyasna ti panangited kenkuana ti biktima iti koleksion nga aggatad iti nasurok P9,000.
Dagus a simrek ken nag-lock ti biktima iti comfort room idi imbilin ti suspek ti panagturongna iti igid ti pharmacy.
Kalpasan a pimmanaw ti suspek ket rimuar ti biktima ken nagpatulog iti security guard ti pasdek a kaabay ti pharmacy.
