Agpalpalagip manen ti Commission on Elections kadagiti local aspirants seknan kadagiti campaign guidelines a rumbengda a suruten inton March baente otso iti agdama a tawen a panagrugi ti kampanya dagitoy.
Sigun kenni Atty. Vanessa Roncal, Assistant Regional Election Director ken Acting Election Supervisor ti Baguio-Benguet, umadanin ti panangipresenta dagiti aspirants ken asidegen nga agbalin dagitoy kas kandidato.
Kinunana a bayat ti panagsagana dagiti local aspirants para iti eleksion, rumeng a laglagipenda ti inkarida wenno ti pledge a binasada kabayatan ti panangipilada iti certificate of candidacy dagitoy.
Kiddaw pay ti nasao nga opisyal kadagiti local aspirants nga agkampaniada kas nakabasar iti panagserbisyo dagitoy no sadino no tunggal local aspirants ket agtulnog, masiguradoda a ti eleksion ita a tawen ket maysa a selebrasion ti demokrasia .
Maipalagip nga immunan a kiniddaw ni Atty. Roncal ti kooperasyon dagiti local aspirants nga agbalinda kuma a natulnog seknan iti panangimuntarda kadagiti nagduduma a campaign posters dagitoy.
Sigun kenkuana, agbalin nga strikto ti Commission on Elections seknan kadagiti campaign posters.
Impalagipna dagiti mabalin laeng a pangikargaanda kadagiti campaign posters ket kadagiti COMELEC common poster area ken kadagiti pribado a residences nga adda kuma ti permission ti akin kukua iti pangimuntaranda iti poster.
Kabayatanna, nakasagana metten dagiti task force baklas nu sadino mangipilada iti kaso kontra kadagiti manglabsing iti daytoy
