BAGUIO CITY – Nabukel ti ti Red Team ti Police Regional Office – Cordillera (PRO-COR) tapnu maipasigurado a maipatpatungpal amin a kasapulan a health protocols kontra iti COVID-19 iti amin nga yunit ti pulisya iti rehion Cordillera.
Sigun kenni PROCOR public information officer Major Carol Lacuata, mandato ti Red Team a mangisayangkat ti innaldaw nga inspeksion kadagiti billeting areas dagiti police trainees ken dadduma nga opisina ti PROCOR iti Baguio City, Benguet ken dadduma a probinsia ti rehion.
Kinunana a bukbuklen ti uppat a pulis ti tunggal Red Team ti nagduduma nga opisina iti sidong ti PROCOR.
Kabayatanna, imbilin met ni PROCOR Regional Director Police Brigadier General R’win Pagkalinawan a nasken a tunggal billeting area iti rehion ket agakomodar laeng iti 12 a field training officers ken police trainees.
Maipalagip nga iti maudi a lawas ti Setyembre ket dumanon iti sangaribo a police trainees nga adda ita iti Baguio City ti nagpositibo iti COVID-19.
