Rinugyanen dagiti organisasyon a makipaset iti Grand Floral Float Parade ti mang-assemble wenno mangbukel kadagiti entries dagitoy.
Iti nakauman ti Bombo Radyo a partisipante, imbinglayna nga idi pay naudi a lawas ti Enero a rinugyanda ti panagaramid kadagiti floats nu sadino, daduma kadagitoy ket dandanin malpas kadagiti frameworks nga arkusanda.
Sigun iti nasao a partisipante, dua wenno tallo nga float entries ti aramiden dagitoy kas maymaysa nga organisasyon.
Kumpiansa daytoy a malpas ti ar-aramidenda a float iti umno nga oras wenno sakbay ti Marso a Uno a pakaangayan ti parada.
Iti agdama, kinunana nga awan pay ti mapaspasaranda nga karit malaksid laeng iti nalamiis a panawen.
Kabayatanna, awan pay ti nairuar nga opisyal ken pinal a bilang dagiti entries a makipaset iti Grand Floral Float Parade.//Bombo Noveh Organo
