Plano ti lokal a gobyerno ti probinsya ti Benguet nga ag-ipatakder iti Pilando bridge nga aggatad iti 1.2 billion sadiay Pilando, Gambang, Bakun wenno Lengaoan, Buguias, Benguet.
Sigun kenni Benguet Congressman Eric Go Yap, daytoy ket maysa a long-term solution para iti nasao a kalsada.
Nupay kinuna ni Yap, a mabalin nga agpaut iti sumagmamano a tawen ti panang-aprubar ti National Economic and Development Authority (NEDA) para iti nasao a proyekto, tarigagay daytoy a marugian a dagus ti nasao a proyekto para iti pagimbagan dagiti amin a motorista a dumaldalysat iti nasao a lugar.
Gapu iti dayta, innayon ti nasao nga opisyal nga ada ti P40 million a nailatang kas short term solution iti restoration ken rehabilitation ti kalsada.
Iti sabali a bangir, naipaayan ti probinsya ti Benguet iti Quick response Fund para iti Pilando gapu kadagiti roadcuts iti nasao a probinsya.
Maipalagip a naiparikip ti nasao a kalsada idi bulan ti Agosto gapu ta naregaay daytoy kasta met nga idi napalabas a lawas ket naiparekep manen daytoy gapu iti panakawash-out ti pavement ti kalsada nga intunda dagiti agsasaruno a panagtudtudona.
Iti agdama, mabalinen daytoy a madalyasat dagiti amin a kita ti lugan.
