BAGUIO CITY – Indauluan ti Baguio boy ken kaunaan a Cordilleran a PNP Chief a ni Police General Camilo Pancratius Cascolan ti panakapadayaw dagiti nangabak iti “Cordillera Warriors” SWAT Challenge 2020 iti naangay a closing ceremony sadiay Camp Major Bado Dangwa, La Trinidad, Benguet idi kalman.
Iti panagkeppas ti tallo nga aldaw a kompetisyon, nabigbig kas overall champion ti Regional Mobile Force Battalion bayat a first runner-up ti Abra Police Provincial Office, second runner-up ti 14th SAB, SAF-PNP Team ken third runner-up ti Benguet Police Provincial Office.
Napadayawan met dagiti nangabak iti nagduduma nga stage ti kompetisyon ka iti Close Quarter Battle, Pistol Course, Rifle Course, Sniping Stage, Obstacle Course, Night Firing Course ken relay competition malaksid pay iti special awards kas Best in Uniform and Equipment.
Iti pay man to man competition iti nagbaetan dagiti miembro ti Command Group, Directorial Staff, Provincial ken City Directors, nangabak ni PCol. Reynaldo Pasiwen bayat a napangabakan ni PCol. Allen Co ti Close Quarter Battle competition.
Nakaawat dagiti nangabak iti tropeo ken kuarta kas premyo iti pasalip malaksid pay iti dua a pay iti dua a paltog a naidonar ken napangabakan babaen iti binnunot.
Iti panagbitla ni Chief PNP, impannakkelna a maysa daytoy a Cordilleran sakbay ti panangtalantanna iti 9-Point Agenda daytoy.
Mangnamnama daytoy nga ad-adu pay a Cordillerans ti mangsurot kenkuana tapnu ad-adu pay a Chief PNP ti agtaud ditoy Cordilleras.
