BAUKO, MT. PROVINCE – Dakkel ti panagyaman dagiti residente sadiay sitio Lebao, Tapapan, Bauko, Mt. Province kalpasan a nalpas ti panakaraamid ti pathway nga addaan iti railings.
Daytoy ket tapno mangipaay iti natalged a dalan iti publiko.
Maipalagip a ti pathway ket nangrugi a naaramid idi Oktubre a syete idi napalabas a tawen nga inyemplementar ti local government unit ti Bauko.
Sigun kenni Edna Bandiwan, kapitan ti Lebao Tapapan, nasukimat a nalaing ti lugar a nakaimplementaran wenno nakaibangonan ti pathway no sadino iti agdama ket nasayaat a pagpagnaan dagiti umili.
Iti sabali a bangir, kinuna ni Elissa Budakes, maysa a residente sadiay, ti nakaibangonan ti pathway ket sigud a kanal ngem gapu iti panagregget dagiti local government units ket nagbalin kas pathway.//BLNC Nhormelin Gil-o
