Naipilan iti Office of the Provincial Prosecutor ti pormal a reklamo kontra iti 19-anyos a lalaki a nagviral gapu iti panangkugkugtarna kadagiti dua nga ubbing idiay Bontoc, Mt Province itay nabiit.
Sumango ti suspek iti kaso nga alleged physical injuries gapu iti panaglabsingna iti Republic Act No. 7610, wenno ti Special Protection of Children Against Abuse, Exploitation, and Discrimination Act.
Mandato ti RA 7610 a salwadan dagiti ubbing manipud iti aniaman a kita ti panagabuso, pananggundaway ken kinaranggas pakairamanan ti pisikal a panangdangran.
Immuna metten nga impasigurado ti Bontoc Municipal Police Station (MPS) babaen iti koordinasyonda iti Municipal Social Welfare and Development Office (MSWDO) ti pannakaipaay ti umno a suporta ken interbensyon kadagiti biktima a karaman iti nasao nga insidente.
Kidkiddawen metlaeng dagiti otoridad iti publiko nga agtalinaed nga alerto ken makikoordinar kadakuada nu adda ti maobserbaranda nga iligal nga aktibidad tapno mapagtalinaed ti natalna ken nakappia a komunidad.
Maibasar iti pablaak ti Munisipyo ti Bontoc, inyunay-unay ni Mayor Jerome “Chagsen” Tudlong, Jr. ti suportada iti pannakasalwad dagiti ubbing.
“𝘛𝘩𝘦 𝘴𝘢𝘧𝘦𝘵𝘺 𝘢𝘯𝘥 𝘱𝘳𝘰𝘵𝘦𝘤𝘵𝘪𝘰𝘯 𝘰𝘧 𝘰𝘶𝘳 𝘤𝘩𝘪𝘭𝘥𝘳𝘦𝘯 𝘳𝘦𝘮𝘢𝘪𝘯 𝘢 𝘵𝘰𝘱 𝘱𝘳𝘪𝘰𝘳𝘪𝘵𝘺 𝘰𝘧 𝘵𝘩𝘦 𝘮𝘶𝘯𝘪𝘤𝘪𝘱𝘢𝘭 𝘨𝘰𝘷𝘦𝘳𝘯𝘮𝘦𝘯𝘵. 𝘞𝘦 𝘴𝘵𝘳𝘰𝘯𝘨𝘭𝘺 𝘤𝘰𝘯𝘥𝘦𝘮𝘯 𝘢𝘯𝘺 𝘢𝘤𝘵 𝘰𝘧 𝘷𝘪𝘰𝘭𝘦𝘯𝘤𝘦, 𝘦𝘴𝘱𝘦𝘤𝘪𝘢𝘭𝘭𝘺 𝘢𝘨𝘢𝘪𝘯𝘴𝘵 𝘮𝘪𝘯𝘰𝘳𝘴. 𝘞𝘦 𝘢𝘴𝘴𝘶𝘳𝘦 𝘵𝘩𝘦 𝘱𝘶𝘣𝘭𝘪𝘤 𝘵𝘩𝘢𝘵 𝘵𝘩𝘦 𝘢𝘱𝘱𝘳𝘰𝘱𝘳𝘪𝘢𝘵𝘦 𝘢𝘨𝘦𝘯𝘤𝘪𝘦𝘴 𝘢𝘳𝘦 𝘤𝘭𝘰𝘴𝘦𝘭𝘺 𝘮𝘰𝘯𝘪𝘵𝘰𝘳𝘪𝘯𝘨 𝘵𝘩𝘪𝘴 𝘤𝘢𝘴𝘦 𝘢𝘯𝘥 𝘸𝘪𝘭𝘭 𝘦𝘯𝘴𝘶𝘳𝘦 𝘵𝘩𝘢𝘵 𝘫𝘶𝘴𝘵𝘪𝘤𝘦 𝘪𝘴 𝘴𝘦𝘳𝘷𝘦𝘥.”
