--Ads--
BAGUIO CITY – Agawat manen ti Baguio City kadagiti turista, partikular dagiti fully-vaccinated a turista.
Nupay kasta, saan a karaman ditoy dagiti agtaud kadagiti lugar a naipasidong iti ECQ, Modified ECQ, Level 4 ken Level 5.
Sigun iti mayor ti siudad, paset daytoy ti addang ti lokal a gobyerno tapnu mabiag manen ti ekonomiya ti Baguio.
Kinunana a 2,000 laeng nga individual registrations ti maakomodar iti innaldaw ken agbasar daytoy iti Electronic Travel Authorization wenno ETA reservation system.
Maipalagip a naisardeng ti panagawat ti Baguio kadagiti turista wenno non-essential travel idi Agosto gapu iti presensya ti Delta variant ken panagngato ti kaso ti COVID-19.
